Optimización web

Acelera e optimiza a túa web para non perder visitas

  • Nivel: iniciación
  • 29 de abril de 2020
  • De 20h a 21h
  • Libre e en directo
  • En directo por YouTube Live (acceso desde aquí)

De que imos falar?

Resulta que aprendiches a instalar WordPress, configuraches o tema, instalaches unha morea de plugins, deseñaches todas as páxinas e adaptáchelas legalmente.

Perfecto, xa estás a punto.

Pero a web resulta que é súper lenta… por que? Por que merezo eu isto? Pregúntaste.

Pois diso imos falar neste taller online. Por que vai tan lenta a miña web?

É problema do tema de WordPress, é problema dos plugins ou é problema dos contidos? Como optimizo o código sen rompelo todo? Como optimizo as imaxes e até que punto é fundamental facelo? Sabes o impacto que ten unha web lenta no teu usuario? Coñeces as ferramentas que nos axudan a medir o peso e o tempo de carga da páxina?

Estas e outras cuestións a respecto da optimización dunha páxina web en WordPress serán o tema principal do seminario.

O taller correrá a cargo de Anxo Sánchez, deseñador web, a partir das 20h do próximo mércores 29 de abril desde a seguinte ligazón: https://i.gal/talleronline

Quen é o poñente?

Quen é o poñente?